KAIBIGAN...

Lahat ng nilalang dito sa mundong ibabaw ay may mga kinikilalang kaibigan. May iba't-ibang uri o klase ng kaibigan. Ang iba ay dadaan lang panandalian at ang iba naman ay ung tipong sasamahan ka hanggang sa huling biyahe ng buhay.

Ano para sayo ang kahulugan ng salitang kaibigan?

"Kaibigan" ay isa sa pinaka importanteng sangkap ng buhay. Sa pamamagitan nila malalaman mo ang tunay na kahulugan ng buhay.

Simula pagkabata, buhat ng mamulat ang kaisipan, maituturing na isang kaibigan ang iyong mga kababata. Sila ang nagbibigay kulay sa mga araw mo at oras na lumipas. Kasama sa tawanan at iyakan. Naaalala mo pa ba kung sino ung madalas na umaaway sayo o ung madalas mong inaaway? Diba't kaysarap magbalik sa panahon ng pagkabata?

Sa paglipas ng panahon mas maraming tao kang makikilala at makikisabay sa agos ng buhay.

Noong ikaw ay nasa elementarya pa lamang, naaalala mo pa ba kung sino ang kasabay mo sa pagpasok sa iskwela at paguwi ng bahay? Mga kalaro sa oras ng recess? Sila ay maituturing na kaibigan.

At noong ikaw ay high school? Mga kaibigan sa pag-kacutting classes? Mga kasama sa kalokohan? Marahil ang ilan ay nakakasama mo na noong ikaw ay bata pa lamang.

Nasa sa iyo kung pano ka papahalagahan ng iyong kaibigan. Kung paano mo sila pahahalagahan at pangagalagaan.

Masasabi ngang may dalawang klase ang kaibigan; (1) kaibigan sa masasayahang oras ng buhay. Sila ang mga kaibigan na palagi mong kasama sa mga gimmicks at kalokohan. Paano kapag ikaw ay nangailangan? Kasama mo pa rin ba ang mga tinuturing mong kaibigan? Sila ang unang klase ng kaibigan, kasama mo lang sa oras ng kasiyahan. (2) kaibigan sa masasaya at malungkot na parte ng buhay. Sila naman ang klase ng kaibigan na kasama mo sa lahat ng oras. Di lamang sa masayang bahagi bagkus handang dumamay sa oras ng pangangailangan. Handang tumulong at magbigay ng suporta. Sila ang matatawag na tunay na kaibigan, sasabay kahit hanggang sa huling biyahe ng buhay.

Pinalad ako na makilala ang mga tinuturing kong kaibigan simula pa lamang nung ako ay high school. Kasama sa lahat ng oras maging sa kasiyahan o kalungkutan man…hanggang sa ngayon na may kanya-kanya na kaming mga buhay at magkakalayo sa isa't-isa di pa rin namamatay ang apoy na patuloy na naglalagablab sa kabila ng di pagkikita. Mga kaibigang laging nag-aalala at nagbibigay ngiti sa aking mga labi. Tunay ngang nakakamiss ang mga araw na nagdaan. Mga kwentong-barbero kasabay ng ikot ng tagay. Mga tinig na pilit sumasabay sa musika…mga tawanan na parang walang katapusan…mga halakhakan sa kabila ng kalungkutan…sila ang mga tunay kong kaibigan na higit sa magkakapatid ang aming turingan…

VALLARTA….PUTE….DIEGO….DORO….BADYANG….GLAISA….JOY

KAIBIGAN
KIKO d' GREAT
11^th July 2007 6:11pm