Youth Community Service Club....my Organization

Why Men Wear Clothes?

Because of Undying Love

SUGAT NG KAHAPON

Diba't kay sarap magbalik-tanaw sa mga magagandang ala-ala ng kahapong nagdaan. Mga matatamis na sandali na tila ba wala ng katapusan. Subalit hindi sa lahat ng oras ay puro kasiyahan, bagkus kakambal nito ang mga pangyayaring ni sa hinagap ay di mo naisip. Mga mapapait na sandali na magpapahina sa iyong kalakasan kasabay ng paghinto ng mundong ginagalawan at pati na rin isipan mawawala sa katinuan.

Ito ang kwento ng sugat ng kahapon……nagiwan ng marka at patuloy na kumikirot sa loob ng aking damdamin at kaluluwa.

Naranasan mo na bang iwan ng iyong minamahal? Ang iwan ng walang dahilan? Ipagpalit sa iba? Ilan lamang ito sa mga katanungang patuloy na pumupukaw sa aking puso't isipan na hangang sa ngayo'y walang malinaw na kasagutan.

Buong buhay ko'y inilaan, upang ika'y pagsilbihan,
Minahal ng buong puso't walang pag-aalinlangan.
Lahat pinilit kong ibigay, maging sariling buhay
Mapasaya ka lamang upang ako'y hindi mo iwan….

Sa loob ng mahabang panahon ng pagsasama
Pag-ibig na tapat ay hindi naging sapat,
Ako'y iyong iniwan ng wala man lang paalam
Iniwan mong nag-iisa ang puso kong nagdurusa…

Humingi ng isa pang pagkakataon,
subalit ako'y di mo pinagbigyan
Di ko man lamang naitanong, nasaktan ba kita?
Saan ako nagkamali, sabihin mo sinta….

Kaya hangang ngayo'y patuloy na umaasa
Na pagsikat ng isang bagong umaga, ika'y muling makasama
Upang ang sugat ng kahapon ay tuluyan ng maghilom
mamahalin ng walang hanggan, maging sa kabilang buhay man…

SUGAT NG KAHAPON
By: PANGET
Wednesday,08 November 2000